禮拜六（16日）沙田八草兩泥日馬，草地用最狹窄的C加3欄，睇番9月18日上季首次沙田C加3欄賽事，後追馬絕不吃虧，總共有六駒後上建功，好似「勇冠王」、「綠勇士」及「巴基之星」都係從尾叠追上反先對手勝出，靠後勁食糊嘅馬千祈咪睇小。
今戰列陣馬中，第八場「秘密武器」係全場唯一贏過田C加3欄之參戰馬，窄場性能唔使懷疑。
另外，尾場「英明勇將」兩次角逐田C加3欄1400米獲未失前四名，準繩馬有力打開勝門。
至於兩場泥地都係1650米，近八場同程放頭馬獲五勝兩位，加上今季已舉行的兩場泥地賽之放頭馬「大收成」及「雲信凡高」亦躋身三甲，周末第三場「開心美麗」及第五場「五星特工」等擅跑泥地之前置馬可優先留意。