季內第二次跑夜馬，這晚（13日）谷草一開局即大開紅盤，大熱「紅星」夥拍見習騎師潘明輝勝出頭場四班1200米，連同次熱「幸運興隆」跑第二，3.6倍大熱Ｑ亦告開出。「紅星」今場匆出換人補中，單Win及組合獨贏A1分別派21及13元，練馬師葉楚航打開新季度勝門。
五歲馬「紅星」上周三（6日）晚配羅理雅爭同班同程為冷門，直路發力時一度受身邊馬匹干擾，最終後追不及跑第三。今次匆出不再用羅理雅，改用「火車潘」潘明輝減七磅，被捧成一面倒大熱，沿途前置守第四位，結果直路加速贏1.25馬位，輕輕鬆鬆勝回一仗。「紅星」累積三捷皆於四班谷草1200米，潘明輝亦告連續第三次賽事贏馬，表現持續向好。
葉楚航表示「紅星」過往非常黑仔，經常排大外檔，上場亦是檔位欠佳，又遇上慢步速，形勢輸蝕，今場3檔形勢有利，加上潘明輝可受讓7磅，故此能夠取勝，葉楚航謂看「紅星」今仗取勝姿勢，下場升上三班應仍有競爭力。
頭場熱門當道，二至四名順序為「幸運興隆」、「越跑越好」及「必定掂」，四重彩派444元。