萬聖節就嚟到啦，迪士尼樂園由今日起至10月31日，會舉行Disney Halloween Time 2017，一連48日都有日夜派對，有鬼屋探險、鬼馬派對及惡人巡遊等。今年鬼屋係「詭迷宮：詭夢實驗室新篇」，遊人踏入鬼屋後，熟悉嘅故事好似《木偶奇遇記》、《怪獸公司》、《愛麗絲夢遊仙境》、《美女與野獸》同《大力士》，會以意想不到嘅情境呈現出嚟；樂園入夜後就有迪士尼惡人大出巡2.0，有海女巫烏蘇拉、黑巫婆、邪惡皇后等登場。
今年迪士尼再有港人專享優惠，由即日起至12月22日，香港居民只需以639元，即可於迪士尼官方網站（ http://www.hongkongdisneyland.com ）購買雙重節日優惠門票，可以喺12月23日或之前進入樂園兩次。