禮拜三（13日）谷草賽事用B跑道，睇番上季9月7日首次谷B欄賽事，放頭馬只得一隻跑第三，反而後追馬絕不吃虧，好似「事必獲利」、「招多福」、「恆駿寶駒」及「越影」都係早段留守中後位置，入直路憑後勁衝贏對手，所以不宜過份側重內叠前置馬。
今戰列陣馬中，出戰第五場四班1650米的「招多福」（苗禮德馬房）正是於上季首次谷B欄賽事勝出，幕後揀番谷B欄作季內首戰，有機會與田泰安重溫好夢。
另外，角逐第三場五班1650米的「荷蘭風車」（鄭俊偉馬房）係全場唯一贏過谷B欄之參戰馬，憑較佳場地性，夥拍杜利萊或能可重開勝門。