水晶宮周日英超再輸一場，令執教日子只有77日嘅領隊法蘭迪保亞喺周一被炒，成為最短命英超領隊。水晶宮作客般尼輸0:1，成為1924/25球季以嚟，首支英頂級聯賽球隊首四戰全敗兼冇波入嘅球隊，迪保亞今夏接任，教咗四場就要執包袱，有傳前英格蘭領隊鶴臣將會接替佢位置。
馬特列治學文尼僅領黃
喺水晶宮輸畀般尼之後。據報，水晶宮主席巴利殊隨即搵鶴臣傾吓，將會同佢簽下一紙兩年合約。
另外周日英超夜場，史雲斯雖然有葡萄牙新星雲拿度辛捷士助陣主場出戰，但被紐卡素隊長拿修斯攻破大門，最終以0:1落敗。賽事亦發生一段小插曲，事源紐記中場馬特列治向主隊後衞艾菲莫臣展示一記「文尼式飛踢」，一野踩中對方嘅頭。馬特列治就好彩啲，當時只係食咗一張黃牌，而佢賽後亦都話自己好好彩。