【本報訊】袁嘉蔚跟羅冠聰結緣於傘運，排山倒海的會議和地區工作成為這對社運情侶的日常，逛街、看電影都是奢侈。尤其阿聰當上議員，他倆只能抓緊下班後的時間晚飯小敍。男友入獄，嘉蔚知道必須堅強面對，但偶爾會在夜深獨自流淚發洩。她笑言，這個時候做貓比做人簡單，「做貓都幾好，唔知發生乜事」。
羅冠聰養了兩隻愛貓，一隻是收養的Papa，另一隻是流浪貓「十四」。嘉蔚說，嬌嗲的十四已贏得她歡心，所以阿聰較疼錫「文青」Papa。阿聰入獄頭幾天，兩隻貓兒總是在他睡覺的位置徘徊，「成日聞佢（阿聰）枕頭，好似等緊啲乜嘢咁」。訪問當天是阿聰入獄後第13天，身邊少了個人，嘉蔚時感無助，慶幸有貓兒安慰，「佢哋好似知道我唔開心咁，會陪住我」。
冀與家人修補關係
當一般情侶煩惱假期到哪兒旅行、在社交媒體「放閃」，社運情侶的日常卻是地區工作、議會日程及商討抗爭路線。嘉蔚說：「真係好少（拍拖），特別呢一兩年，但係習慣咗一個相處方式，所以大家都OK。」以往相聚時間彌足珍貴，今趟阿聰入獄，兩口子更要承受別離，嘉蔚想念他時，會將注意力放在「適應」，「我適應緊，佢（阿聰）喺入面適應緊，佢兩隻貓都適應緊，咁樣諗會令我覺得自己同佢同步適應緊一啲嘢，感覺會好啲」。
嘉蔚目前在眾志南區辦事處工作，不似阿聰有家人作後盾。嘉蔚的家人擔心她賠上前途，早年關係惡化，她索性離家自立。她承認以往或忽略家人感受，但面對男友及戰友入獄，她希望修補家人關係，「好親密嘅人擔心嗰種感覺，我今次係更加感受到，我相信keep住溝通，家人會更明白我同阿聰做緊乜嘢」。
■記者周 婷