中國作客卡塔爾嘅世盃外亞洲區12強賽上演之前，北京嘅國際關係學院教授儲殷就話中國肯肯定可以出線俄羅斯世界盃，因為「比賽背後有資本、政治、國際關係，足球唔係靠踢嘅。」結果點呢？教授梗係衰咗啦，中國贏波都只係排小組尾二，想踢世界盃要再等吓，不過呢位教授唔肯認衰，喺微博上繼續死撐，話伊朗場波疑點重重喎！
儲教授早喺微博咁講：「預測失敗，不好意思。嘿嘿。。也為自己的預測下了注。。願賭服輸。。不過踢的還是不錯哦，差了點運氣。。伊朗那場球的確是疑點重重，有演戲的感覺。。還是高估了波斯人的節操。。國足踢的不錯，難得的血性。明天還要繼續，足球還會滾動。沒關係，繼續期待中國足球。」