周日（10日）舉行今季第二次日馬賽事。告東尼雖然在開鑼日（3日）未能旗開得勝，但睇番對上三季第二次日賽，原來告東尼例有馬贏，包括前季憑「美麗大師」捧走廣東讓賽盃。
今戰東廐派出「勝得威」及「醒目名駒」問鼎廣東讓賽盃，另有「一定賺」出戰首本田草1200米，倉主有望打開新一季勝利之門。
近五屆廣東讓賽盃，當中四屆有東廐馬勝出或入Q，可見練者對此項盃賽頗為重視，今屆更加雙龍出海，其中「勝得威」堪稱新一代1400米專家，至今五戰此程獲三冠兩亞未失Q。
上仗跑三級賽亦只不敵「澳斯卡」跑第二，今次出爭一班賽而且負磅唔算重，上周二（5日）試大閘更加一放到底，操好有力捧盃。
另外，「一定賺」上季曾連贏三場，強如「爭分奪秒」亦要俯首稱臣，休息五個月復出即報跑四戰兩勝兩位的田草1200米，相信是配合馬房攻勢而來，出擊決心非淺。