近年電子競技越嚟越受重視，電競唔再係打機咁簡單，已經變成一種受國際認可運動，背後仲係一種充滿商機嘅龐大產業，新世界第三代接班人鄭志剛就睇中電競運動，由佢創辦嘅K11商場，噚日就同內地英雄互娛簽戰略合作協議，K11同英雄互娛有10年合作計劃，雙方會喺全國至少9個城市嘅K11項目，包括香港、上海、北京、瀋陽、武漢、寧波、天津、廣州同深圳，起VR體驗館同電子競技主題的酒吧餐飲娛樂互動區，仲計劃同全國至少7個城市合建電子競技館，全面推動各種電競賽事活動。
鄭志剛話自從中國體育總局承認電競係正式體育項目，內地電競產業發展十分快，佢非常樂意喺體育競技上給予更多支持，將國內電競項目，帶到去國際舞台，亦同時可以繼續推動文化產業發展。