禮拜日（10日）沙田八草兩泥賽事，草地用C跑道。睇番上季第二次沙田日賽亦係用C欄，當日八場草地賽，共有五匹頭馬守前兩位入直路建功，就連「喜喜寶」（已退役）都能夠藉擺前爆出逾200倍大冷W，可見前置優勢甚大，具前速馬匹仍然要優先留意。
今戰列陣馬中，第五場「喜得福」（蘇偉賢馬房）跑田C欄1400米一次即勝，場地性能有根據，強配莫雷拉可信賴。
另外，第八場「君悅灣」（鄭俊偉馬房）四次角逐田C欄1600米未失前四名，輕磅放出隨時可以偷襲對手。
至於兩場泥地都係編1200米，翻查上季9月11日首次編泥地賽，結果由「御風雲」及「藍天飛馬」兩匹放頭馬直領到底勝出，故此第六場「勇冠多」（徐雨石馬房）及第十場「香江穩勝」（蘇保羅馬房）等擅跑泥地之快馬可秤先。