大劉（劉鑾雄）去年突然宣佈同女友呂麗君早已分手，其後仲分段式咁開始身家畀甘比同長子劉鳴煒，其後聲稱為將來與呂麗君打官司作準備，將100億現金分畀甘比及劉鳴煒。
到今年初，華置（127）將灣仔肇輝臺12號項目以10.5億港元出售畀甘比，及後又將當時市值180億嘅尖沙嘴THE ONE商場轉贈甘比。再到今年3月，華置突然在公佈業績前，大劉以健康不穩為由將名下持有嘅華置股份盡派予劉鳴煒與大劉同甘比所生嘅一對子女秀樺、仲學，劉鳴煒與獲分配24.97%華置股份（當時市值56.6億元）及秀樺、仲學合共有50.02%華置股份（當時市值113億元），而甘比將會成為一對子女嘅股份託管人，直至子女成年，當時甘比身家暴升至547億，躋身香港十大富豪榜。
而3月中，華置再將所有5.77億股盛京銀行（2066）持股出售予甘比，當時作價最多70億元，又擬將所得款項用作派發特別息，身為華置最大股東嘅甘比最多可收32.5億元股息。