正如毛主席講過，沒有調查，沒有發言權。立法會秘書處舊年開始搵資訊服務部資料研究部幫議員做研究，題目由議員自訂。一年間，佢哋已經幫9位議員完成唔同範疇嘅研究，由動物保護法到外國點規管眾籌都有。新一年又有11位議員要求做研究，議題大概關於乜？
專業議政莫乃光作為資訊科技界代表，提出研究外國推行《檔案法》、《開放資料法》係相當之合情合理。一直關注開放放債人問題嘅工聯會麥美娟，就想研究監管放債人及財務中介機構。鄉議局主席劉業強要求研究嘅亦幾有意思，就係喺偏遠鄉村發展民宿文化旅遊。
但唔係位位議員都鍾意研究民生或咁政策性等問題。好似民建聯周浩鼎咁，佢要求研究美國、德國、日本等國家，喺以普通法規範涉及社會秩序罪行嘅問題。用意何在，仲唔係呼之欲出？