特首林鄭表明會將青年事務委員會升呢做「青年發展委員會」，由政務司司長張建宗擔大旗做主席。民政事務局同青年事務委員會噚晚第二次搞青年發展政策公眾交流會，臨時有位「特別嘉賓」登場，登登登鄧，就係Matthew張建宗啦。
Matthew叫大家唔好叫佢做司長，呢晚係聽下青年人對政府有咩期望、不滿同訴求，強調今屆政府要做到6個多，「多關心、多聆聽、多行動、多創新、多互動、多協作」，又指香港𠵱家人口老化，勞動力下降，青年人「一個都不能少」！
一打呔就興奮嘅Matthew除埋呔同年輕人分組討論，仲好認真咁抄筆記，查實佢噚日下午都視察咗1823中心，感謝中心人員處理港生攞唔到英國留學簽證嘅求助個案。