自由黨深水埗區議員李梓敬，最近同經民聯嘅九龍西立法會議員梁美芬發展非一般關係，以後仲會成日見㖭，因乜解究兩位會「撻着」，「紅娘」係邊個？之咪就係law，因為佢最近報咗城大法律博士（JD）課程，日前開學，第一堂講《基本法》，教授就係梁美芬……博士！
自稱「入室弟子」
李梓敬話報名讀law同地區工作有關，皆因居民不時諮詢法律意見，如果識多啲，佢覺得可以更幫到居民手。佢又話喎，近年涉及中、港嘅干預風波，都關乎憲法同《基本法》，所以佢想了解更多，覺得better equipped後上陣辯論都更有料到。
再實際啲講吖，唔排除他日會再參選立法會㗎嘛，而立法會負責製定法律，難怪李梓敬話有相關知識梗好啲，因此的起心肝去讀law，笑稱已成為鼠王芬「入室弟子」。咁芬姨教書好唔好？李梓敬話ok呀……都係啱啱開學箒，八方遲啲再問吓佢先！
其實現任立法會議員中，都有唔少芬姨嘅學生，包括新民黨容海恩同民主黨許智𥧌，公民黨東區區議員鄭達鴻亦喺去年報讀咗城大法律課程，加入埋芬姨嘅門生之列。
李八方