潘頓假假哋都做過香港冠軍騎師，剛周日（3日）馬季開鑼交白卷俾死對頭雷神威晒，這晚佢（6日）馬上於谷草贏馬，在第三場五班1650米策方嘉柏馬房的「事必獲利」建功，單Win及組合獨贏A1分別派32及19.5元，騎練齊齊敲響本季勝鼓。
7歲澳洲自購馬「事必獲利」馬有馬性兼幕後部署得宜，繼上季首戰即於谷草開鑼賽勝出後，一年後再於同晚建功，兼且兩次都由潘頓攻下五班一哩，而今晚此駒較去年孭多七磅，但表現未受影響，沿途居中下，後上輕勝2.5馬位，反映出本身年屆七歲戰鬥力依然硬淨。
方嘉柏表示「事必獲利」今仗取勝後，縱使下仗須升上四班，但仍具競爭力，此馬的狀態由上季初開始，一直長時間保持勇銳，雖然馬房陸續有質新馬加盟，有爆倉問題，但仍然值得保留「事必獲利」。
第二場二至四名由「滿載而來」（羅理雅）、「精彩時機」（蔡明紹）及「白玉凱旋」（柏寶）順序瓜分，四重彩則派四萬七千幾。