朗尼（圖）醉駕偷食單嘢似乎越搞越大獲。疑似小三Laura Simpson仲恐天下不亂，早前更接受傳媒訪問，為自己同朗尼辯護，佢話：「高蓮唔應該為咗我同朗尼之間發生嘅事而嬲佢，因為我哋根本乜都無發生過，我哋所做嘅其實都係無傷大雅。我知件事睇落好衰，但其實真係唔係咁囉，高蓮要嬲嘅話就應該連我都嬲埋！」唔知咁嘅解釋，高蓮又會唔會接受？
可能見到朗尼嘅私生活實在太唔檢點，英國著名運動心理治療師樸比（Steve Pope）就警告佢，勸佢唔好變成另一個加斯居尼，甚至係比加斯居尼更差嘅佐治貝斯。樸比又話朗尼嘅身邊人應該多啲支援佢，幫佢重返正軌。