禮拜三（6日）今季首次谷草賽事用A跑道，睇番前季谷草開鑼亦係用A欄，當晚放頭馬僅一駒不入前四名。其中「金滙龍華」及「愛寶」（各已退役）當時放頭入直路帶到，而一至四檔包辦半數頭馬，故此具前速之中內檔馬仍然要優先留意。今戰列陣馬中，第五場「全勝姿態」（方嘉柏馬房）四次角逐谷A欄獲一冠一亞兩殿佳績，重返強項當然有重視必要。另外，第四場「海之濤」（李易達馬房）是全場唯一贏過A欄1000米之參戰馬，憑較佳場地性能可看好。