朗尼日前喺揸緊一個陌生女人架車嘅時候涉嫌醉駕被捕，事件引起好大迴響，連曾經同朗尼玩過3P嘅前妓女都出聲，叫陀緊第四胎嘅高蓮飛起佢老公！30歲嘅前妓女Helen Wood聲稱，2009年高蓮陀緊Kai仔時，曾經同自己朋友Jenny Thompson同埋朗尼玩過3P，Helen接受訪問時話「高蓮唔會想聽我講，但大家都係媽媽，我會叫佢離開。」據悉，當年Helen嘅朋友Jenny，將佢哋同朗尼玩3P嘅故仔賣畀傳媒，但高蓮當時選擇支持朗尼，之後仲同佢生多兩個仔。Helen話︰「我哋都知佢係點嘅人。做個單親媽媽，堅強啲，呢個人會繼續傷害你。醒啦高蓮，你已經有第四個B。我會叫高蓮離開。」據英媒報道，朗尼好可能會被愛華頓罰款30萬鎊（約300萬港元），領隊朗奴高文仲警告朗尼，話唔會有第二次機會，如果再有越軌行為就會踢佢走。