揸車最怕「九死一生」，但仍然有人唔怕死，以近10萬蚊投下諧音九死一生嘅無字頭車牌「9413」。
運輸署噚日舉行車牌拍賣，上午一共有140個車牌拍賣，其中倉底貨「9413」由2001年至今，已經係第六度拍賣，呢次底價9.8萬元，創歷史新高。睇番資料吖，「9413」車牌自2001年起被拍賣，運輸署2012年更定出7.7萬元底價，最終「嚇怕」全場近百名參與拍賣嘅市民，車牌最終喺無人問津下被收回，估唔到最終以底價成交，據報投到車牌嘅男士話係幫朋友買。
而底價為10萬港元嘅車牌「PL 9」，則以全場最高成交價22萬港元賣出。全日亦有約15個靚車牌因無人競投而收回，如全日最高底價為34.5萬港元嘅「4464」，以及開價9.8萬港元嘅「2019」等。