沙田馬場這天有甚多藝人出沒，原來新在港開倉的澳洲籍練馬師麥菲文，在馬房內舉行季前拜神儀式，「雄霸」馬主鍾國良拉大隊邀請不少藝人好友出席撐場，非常畀面，包括張振朗、陳國峰、吳業坤、莫家淦、白雲及吳浩康等，十分熱鬧。
其中去年已下嫁前港男江俊霖嘅35E人妻，曾飾演節目《五覺大戰》「神獸天使」嘅白雲，唔知係咪太索關係，連馬房內嘅馬仔都俾佢吸引到，白雲去到一匹四班馬「善影」嘅馬格前面，同「善影」一齊玩自拍嘅時候，這匹馬忽然好似遇見女神咁，猛咁挨住白雲，好溫柔咁用個鼻摸摸白雲香肩及頸，兼且嗅吓佢嘅香水味，白雲則喺度傻笑，同「善影」纏綿合照，玩得好開心。
此外，五班馬「友歡笑」亦非常搞笑，在馬房內經常點頭，像跟訪客打招呼般，近期在劇集《踩過界》飾演傷殘人士偵探，人氣急升的張振朗，都忍唔住為該駒拍片。
至於騎師方面，今朝有潘頓、貝湯美、郭能、柏寶、史卓豐、祈普敦出席拜神儀式。麥菲文說：「這是我第一次參加中國傳統的拜神儀式，就算我過往在新加坡練馬時都未試過切燒豬、上香。副練余詠詩教我拜神程序，感覺新鮮。我馬房有許多質新馬，希望牠們盡快適應水土建功，我新季的目標是獲得25場頭馬或以上。」