西甲轉會窗喺香港時間上周六早上關門大吉。今夏走咗尼馬嘅巴塞隆拿，到死線前最終咩人都買唔到，最最最後一bid利物浦嘅菲臘比古天奴，再轉移目標斟巴黎聖日耳門（PSG）嘅迪馬利亞，全部失敗告終。
巴塞雖然好想買菲臘比古天奴，但係利記死都唔肯放，惟有轉移目標求購法甲PSG嘅迪馬利亞，不過同樣無功而還。其實巴塞喺今夏使唔少錢，奧士文尼迪比利同荷西保連奴等新兵一啲都唔平，但球迷普遍都認為物非所值，所以最近就有會員發起不信任投票，想趕主席巴杜美落台。
值得一提係，古仔同車路士前鋒迪阿高哥斯達走唔成，已雙雙入番所屬球隊英超25人大軍名單。