趣趣地:C朗「戴帽」勁過比利

趣趣地:C朗「戴帽」勁過比利

至於歐洲區B組,葡萄牙就靠基斯坦奴朗拿度(C朗、小圖)大演「帽子戲法」,主場5:1大炒法羅群島。C朗家陣喺西甲坐緊波監,不過佢今場開賽三分鐘就有波入,加上29分鐘再入多粒,唔夠半粒鐘已經幫葡軍領先到2:0。法羅群島之後喺38分鐘追番球,半場落後1:2。換邊後,葡萄牙到威廉卡維奴建功,領先3:1。65分鐘,C朗取得呢場第三球,國際賽入到第78球,超越埋77球嘅球王比利。葡萄牙之後喺84分鐘再入一粒,最後大勝5:1。