雖然今季起練馬師大摩開始以澳洲騎師貝湯美為主帥，但大摩講過另一愛將祈普敦是其馬房一分子，不會冷落他，儼然有「副帥」地位。
不過，現實歸現實，雖然祈普敦上季替大摩贏了16Win之多，兩人關係親密，但今時唔同往日，周日開鑼戰大摩8匹上陣馬，結果全部用晒貝湯美，祈普敦只能望摩門輕嘆。
祈普敦暫時沒有大摩支持，難免座騎大減，今期他只有4隻馬上陣，包括蘇偉賢「飛越峰」及沈集成3駒「劍驚雲」、「綠色勁駒」和「威信」。其實能獲沈集成提供3隻馬，主因沈廐今期出馬太多，愛將羅理雅、巫顯東等人騎唔晒，才流入敦敦手上，如回歸正常情況，沈集成根本向來甚少用敦敦。
反而第六場四班1400米蘇偉賢的「飛越峰」值得重視，上季取1冠3亞1季成績不俗，曾與惡馬「財高八斗」串Q，上周二由祈普敦親試大閘，亦贏得輕鬆，一切已準備就緒，敦敦現時形勢麻麻，一定更珍惜這匹實力馬。