【本報訊】少數族裔學生的實習機會有限，今次《蘋果日報》主動出擊，邀請了一名巴基斯坦大學生Zahid Ali來當動記者一天，從未打算做記者的他，經過一天地獄式訓練後，大呼過癮！
Zahid Ali沒有中文名字，同學老師都叫他Ali，4歲來港隨父母生活，接受本地教育，DSE中文考2級，現於理大修讀土木工程，準備升上大四。
他自細入讀主流學校，能寫能讀中文，笑言跟別人傾電話時，對方直至問到他名字的一刻，才知道他是外籍人士。
對於Ali來講，在《蘋果》實習是一個挑戰，因他不喜歡「寫嘢」，但經過一天，他明白到記者的工作，不止寫稿。
我們安排Ali進行街頭訪問、寫稿、錄音，以及行內俗稱「做扒」的街頭直擊工作。Ali對着鏡頭顯得不自然，指「寫稿時去理解文章冇乜困難，但寫短片稿時沒有經驗，一定寫得唔好」，錄音時他形容「聽番自己把聲好怪」。
之後我們走到街頭，邀請Ali向途人問問題，過程竟意外地順利。由於他經常面帶笑容，途人也樂於接受訪問，短短十分鐘已訪問了7名途人。
問到他的外表、膚色會否有助於進行街頭訪問？他說「有啲人見到我就會行開 ，但有啲人見到我講中文就可能會attract番咁樣囉」。總結一天的實習經驗，從沒有考慮做記者的他都話「好唔錯」。
Ali一年後便要投身社會，如無意外會當工程師，不過他坦言，少數族裔求職困難重重。「我上年暑假搵工，send咗3份履歷，特登寫埋中文㗎喇，但係得一份有回音，跟住打電話畀我係用英文同我傾偈，即係佢唔會預期我係講中文。」「如果真係唔識中文嘅少數族裔，幾乎好難喺香港搵到工，因為僱主睇見英文名字，可能已經淘汰咗。」
Ali認識一位巴籍朋友，大學法律系一級榮譽畢業生，連面試機會也寥寥無幾。
家鄉在巴基斯坦，成長在香港。他坦言，通常面對「兩面不是人」的處境，「如果我喺香港人圈子入面，別人會將我當成巴基斯坦人；喺巴基斯坦圈子入面，就會覺得我係一個華裔人。」
記者：陳家恩