【本報訊】內地四大行中期業績悉數出爐，業績表現不俗。市場人士普遍認為，中行（3988）上半年多賺11%，淨息差及不良貸款率均見改善，表現跑贏另外三大行。
惟由於內銀股股價已炒上一輪，難以預測能否再有炒上空間，不排除會有「見光死」效果，建議投資者可考慮派發中期特別息的中銀香港（2388）。
建議吼中銀香港
新鴻基金融財富管理策略師溫傑指，中行表現最好，因為大型銀行純利難以做到雙位數的增幅；另農行（1288）表現亦接近市場預期上限。不過，他認為業績反映內地銀行於盈地增長及息差方面有壓力，「唔係話差嘅業績，只係ok囉，增長幅度同預期嘅有少少偏差，驚喜唔大。」
他續指，最近市場對內銀有憧憬，包括建行（939）等股價已經炒上一輪，即使各大行業績表現符合預期，亦難言股價會否再有炒上空間，「股價可能會見光死。好彩整體市場氣氛幾好，拋售壓力唔會太大。」
耀才證券研究部總監植耀輝同樣指出，中行表現喜出望外，尤其資產減值表現傑出，帶動該行多賺11%。「前幾年中行做好多撥備減值，今次少咗，表現就咁好，淨利差表現都好。另外幾間都只係做到低單位數增幅，資產減值速度都比較慢。」
不過，他認為內銀股的yield（收益率）不高，並不特別吸引，「原本持有嘅可以考慮繼續揸，但無嘅話，可以考慮吓今年繼續派特別息嘅中銀香港。」