天鴿玩殘澳門，但同時美國都有個颶風哈維（Harvey），令德州幾乎沒頂。投行Jefferies宣佈，捐出噚日（30號）嘅淨交易佣金收入、另加100萬美元。
Jefferies首先會捐出今日來自美國、歐洲、亞洲嘅股票、固定收益、外滙交易淨佣金收入，呢筆錢將會直接幫德州受災家庭同社區。Jefferies亦會額外捐100萬美元（約780萬港元）、集團3,324名員工亦可以選擇從人工扣捐款。
美資大行呢幾年經營都好困難，成日傳減薪裁員，Jefferies捐一日佣金、再加100萬，算係聊表心意咁啦。唔知其他大行，好似摩根士丹利、摩根大通、美銀美林等等，會唔會跟隊，齊齊做吓善事呢？