立法會前秘書長吳文華（Pauline）舊年曾為立法會完成俗稱「議會天書」嘅《香港特別行政區立法會歷史、規則及行事方式參考手冊》，佢噚日出席一個公開活動時自爆，幫立法會寫書4年，總共賺咗超過200萬，即係人工平均一年超過50萬元，佢就用咗呢筆錢成立社企，聘請殘疾人士設立名為「 http://We60.com 」嘅平台，希望可以協助踏入60歲嘅人士，更多參與社會工作。
Pauline又慨嘆，近年立法會立立亂，「因為冇人睇我本書，如果唔係唔會搞成咁」，但好慶幸自己嗰本書，法庭成日都引用，「已成為最可靠同有權威嘅文獻」，當然佢最開心係可以寫番立法會歷史出嚟啦！