梁振英年代成日將「內交」掛喺嘴邊，林鄭接任特首之後亦頻頻北上，月初帶埋財爺陳茂波、商經局局長邱騰華去北京拜會部委，月中去多轉上海，主要係出席駐滬辦慶祝香港回歸20周年舉行嘅活動，順道去埋杭州，早幾日就去天津，同參與全運會嘅香港健兒打打氣。
呢個8月仲未完，佢今日再出訪深圳，仲要拉大隊有3個局長隨行，分別係創科局局長楊偉雄、商經局局長邱騰華、政制及內地事務局局長聶德權，當然唔少得「大內總管」特首辦主任陳國基。
林鄭今次去深圳係為「20.....43香港設計事情」（深圳站）展覽開幕及前海深港設計創意產業園奠基儀式主禮，此行順道會參觀深港青年創新創業基地、科技企業兼同深圳市領導會面，同日下午就會返香港。