【本報訊】香港各體育總會每年接收逾百萬元公帑資助，手握運動員的選拔及出賽權，卻屢鬧出爭議。分別效力過港隊及英國國家隊的滾軸運動員袁嘉曦，深切感受到兩地選拔制度的差異，「英國好講求制度，全部嘢open（公開），諗番喺香港發生嘅事，同英國發生嘅事對比，喺英國係開心好多」。
袁嘉曦舉例，英國選拔運動員出戰國際賽，通常會在一年前公開選拔的要求，鮮有限制出賽名額，「運動員有一年時間望住選拔要求去追，如果你差兩秒，只要喺選拔前谷到嗰兩秒，你就可以出賽」。試過有一年世錦賽在台灣舉行，當時他是同年英國1,000米全國賽冠軍，卻因時間未達標，「我話自費過去（台灣），佢都係唔畀我出賽」。
香港的狀況卻大大不同，「點樣選拔？冇人知，運動員每次都好被動」。袁又指，會方經常限制出賽名額，「遇到有兩個運動員成績一樣，咁搵邊個出呢？冇人知，每次都靠估」。他慨嘆，香港總會每次遇到爭議便「搬一大堆理由解釋」，英國則沒此問題，「所有嘢公開，meet到（要求）就可以出賽」。
牽涉屬會學費收入
身兼柔道教練的「體育苦主大聯盟」召集人黃柱光指，選拔爭議源於體育總會的「圍威喂」文化。
黃柱光解釋，總會除每年獲政府巨額資助，旗下屬會、即訓練學校的收生多寡，亦牽涉大筆學費利益。「久而久之就會形成一班既得利益者，想壟斷成個項目。」
他舉例，遇上有運動員成績優異，卻不是總會旗下的屬會出身，「總會嘅思維係，如果畀你出賽，又贏到好多獎，新嘅學生就會去晒你間學校，利益就會受損。」加上政府向來以「尊重體育總會自主」為由，拒絕監察，「成個體育圈都係既得利益者話事，主力培養自己友，打壓好嘅運動員，結果好多人心灰意冷退役，或者吞聲忍氣繼續被欺壓」。
■記者梁御和