前美臀小姐Suzy Cortez曾經因為著巴塞隆拿波衫出性感post話支持美斯而受到注目，不過呢位巴西索女最近就轉移咗目標去美斯隊友碧基度喇。
27歲嘅Suzy日前個人Instagram嘅追隨者最近達到咗100萬，而佢日前就po咗張自己著住碧基件3號波衫影嘅性感自拍相，賀碧基完成為巴塞披甲第400場。Suzy之前「股」惑美斯，經常喺Ig向佢發送性感相，但後尾就畀美斯block，Suzy當時估計係因為美斯當時未拉埋天窗嘅女友安東莉娜（Antonella Roccuzzo）妒忌佢，咁唔知今次佢「股」惑碧基，又會唔會激親碧基嘅歌星女友Shakira呢？