最刻骨銘心的愛情，有時並非能與你終老，就如苑瓊丹，她於2004年秘嫁較她年長10年的富商黃乃揚，但講到最令她難忘的一段情，相信是她與已離逝的「殭屍道長」林正英。
有人話認真工作的男人是最具魅力，苑仔就因為林正英的認真而愛上他。1995年苑仔與林正英合作拍劇《殭屍道長》，苑仔終於遇上令她刻骨銘心的愛，可惜林正英於97年病逝。講到這段情，苑仔曾接受有線節目《星級會客室》的訪問，憶述這位曾深愛過的男人：「我鍾意認真嘅男人，林正英做事好認真。我相信每個演員都會有愛上對手嘅經驗，不過好多都冇發展落去，而我就同林正英繼續發展感情。有時候我相信命運，佢離開嗰日，咁啱我要出去睇樓，出門口嘅時候，我突然好眼瞓，眼瞓到要立即瞓十分鐘，之後發夢見到佢走咗。我醒番之後聽到電話響，我就知佢已經離開咗人世。」