周日(9月3日)田草開鑼戰，一如以往用B欄作賽，天文台預測有狂風驟雨及幾陣雷暴，或有機會在變化地上作賽。
睇番上季9月3日開鑼B欄賽事，總共有五駒守前三位入直路下建功，當中「歷險家」、「萬事欣」及「快無極」一放到底，加上去季31場田草變化地賽事，總共有15場由放頭入直路嘅馬帶到，可見淋地對前置馬亦有利，故此具前速馬匹必須優先留意。
第四場「駿馬翹楚」跑田草B欄一次即勝，快馬抽二檔如虎添翼。此外，第九場「萬馬奔騰」在田草B欄及變化地均曾錄得贏馬紀錄，場地性能唔使懷疑，雖然抽大外檔起步，但只要夠快搶出切入，仍不能睇小。