羅霖12年婚變後與內地嫩男傳緋聞，黎燕珊當時直斥她影響亞姐形象，二人曾隔空罵戰，羅霖更被踢出仁美清叙。雖然之後黎燕珊與羅霖曾多次一起出席公開場合，甚至在傳媒面前握手扮和好，但看來仍有點面左左。不過，羅霖與黎燕珊前晚結伴睇汪明荃演唱會，二人黐住坐不停咬耳仔，看來已冰釋前嫌。
黎燕珊昨在電話說：「一向冇嘢，鄭明明買咗啲飛叫我哋睇，咁啱我哋坐隔籬。人要進步成長，啲嘢點會記咁耐呀。」羅霖則透過短訊表示：「其實都沒有甚麼事，是鄭明明請我們一齊看演唱會的，大家都是單親媽媽，都要為自己兒女努力工作。以我這年紀很多事都看淡，最緊要家人、好朋友和我健康快樂。」
採訪：魯吉
攝影：陳慧安