三文治大家食得多，大大塊豐滿的蛋治，係好多香港人的至愛，而「玻璃Vodka三文治」你又試過未呢？
這種咁出眾嘅食物，出現喺英國馬場。話說市民搭飛機公幹或旅行，一定要經過安檢先可上機，而這一年來由於歐洲恐襲不絕，所以除了搭飛機，英國馬會下令所有入馬場的觀眾，都要接受嚴密安檢，搞到有伸縮鏡頭嘅拍攝器材，要先拎許可證先可入場。而一啲可載有較大容量嘅液體器皿，更一律嚴禁攜帶進場。
不過，英國人好多時都當賽馬日係嘉年華，會一家大細帶齊食物入場野餐，咁野餐又點可以冇嘢飲呢？
但與此同時場內餐飲費用又偏貴，所以近日英國一個賽馬日，有馬迷忽發奇想，將一支Vodka酒夾落個麵包中，諗住可以瞞天過海，屈蛇入場飲番杯，但呢個「玻璃Vodka三文治」咁墜手，一拎上手就知有問題啦，結果當然被安檢人員捉到正被沒收。