64歲的甘秀雁（Vivian）自小聽姐姐唱台灣老歌，耳濡目染下最愛鄧麗君，洗澡、煮飯甚至去廁所，邊辦事邊歌唱。中五畢業後在船公司做文員，一做幾十年，嫁人生兒育女，兩年前退休後展開另一人生，將聯同另外79人組成80大軍，後日（9月1日）踏灣仔伊館舞台獻唱表演，笑言退休後比上班更忙。
80大軍年齡介乎50至65歲，80大軍登台前最後綵排，跳完新西蘭毛利人傳統嘅哈卡舞（Haka），又分組排練話劇，念台詞、記走位，每幕都有不同表演項目，Kick boxing、柔力球、絲帶舞，到第六幕Vivian更唱出最愛的《甜蜜蜜》。
源自台灣健娛概念
Vivian今年64歲，笑言只差一年就可兩元搭巴士周圍去，「退休後好忙，比返工仲忙」，既跳舞也唱歌，大約一年半前，還跟丈夫一起參加體適能和舞台訓練，成為80大軍之一。未上舞台前，她先與其他成員到地區中心教長者做運動，卻遇上年約80歲的婆婆，輕易做出一字馬，令她大開眼界。
「唔應該計年紀，最緊要你想做就做，一樣可以練到番嚟。」正如她從沒想過登台演出，「細個好怕醜，唔敢講嘢，比較被動內向，表演呢啲嘢最好唔好搵我」。經過年半訓練，終壯大了膽，「錯咗唔怕，我唱得唔好，下次再努力，增加自信心」。
初踏舞台的還有葉笑顏（Cindy），因其中一幕話劇，年過半百學Rap歌，半退休卻未言休，學習體適能、做義工、演話劇等。Cindy笑說，因其中一幕話劇所需，才Rap出第一次，「Rap歌係年輕人玩嘅嘢，我哋唱粵曲就話啫」。
其實兩人都是聖雅各福群會賽馬會「入伍登陸．大SHOW動」成員，計劃源自台灣嘅健娛概念，集運動、義工服務同舞台表演等元素，鼓勵退休人士參與社區活動，改變社會「老咗就冇用」的觀念。
■記者王家文