新加坡樓宇建築商BHCC（1552）噚日舉行新股發佈會，公司招股上市咁隆重之事，一般公司最高層都會出現，但噚日負責睇數嘅「大掌櫃」居然冇現身，執行董事亦只有一位出現（皆因佢同時兼任主席）。公司代表話，CFO一早請咗假，當時未知公司呢幾日招股，所以嚟唔到喎。
「大掌櫃」唔到，未必係損失，因為代替佢嚟嘅「二掌櫃」財務副經理劉咏竹，洋名Olivia，係位清秀可人兒。
Olivia資料不詳，因為唔係高層，所以招股書冇介紹佢。真人睇落三十未到，好年輕，佢國語同英文都好流利，仲好親切用廣東話講「大家好」，字正腔圓，睇嚟語言天份唔錯！