「栢芝奶媽」林芷嘉13年參選港姐，首輪面試已經被睇好可以入圍複選。當時栢芝奶媽喺facebook有唔少船P相，又有啲喺公開場合同三哥苗僑偉、三嫂戚美珍、Ball后薛芷倫嘅合照，結果係……好快變咗緋聞人物。
其實栢芝奶媽家底都唔錯，屋企做水晶及飛機模型生意，仲送咗佢去英國讀書，11年喺樸次茅夫大學畢業，主修國際商業及英文系。選港姐前有盤小生意，喺網上賣party dress，仲親自示範各款戰衣。
栢芝奶媽最後未能成功入圍，但就有機會面試《喜愛夜蒲3》。不過加入娛樂圈唔成功，去開空中瑜伽教室一樣成功。佢嘅facebook上面，曾經都好多同韓國男模男友嘅合照，男友仲有啲似袁文傑。