當年的玉女歌手劉小慧嫁作人妻二十年，跟草蜢成員蘇志威（阿細）育有兩女，大女君蕎現已18歲，細女靖珺亦已10歲。退出娛樂圈多年的小慧以家庭為重，上周二本報讀者直擊她帶兩女遊北海道，同行還有四位友人，但就未見老公阿細蹤影。
據讀者表示，當日下午約3時許在札幌新千歲機場見到小慧一行人，他們坐車到機場附近的租車中心。身穿粉紅adidas長裙加湖水藍外套的小慧，安頓好兩名女兒後，就跟友人到櫃台辦理租車手續，之後再去便利店買樽裝水和零食，分發給各人後就着手搞手機電話卡。
埋首搞電話卡
長得亭亭玉立的君蕎，幾乎有媽咪般高，大部份時間跟同行男友人傾偈，細女靖珺就長高不長肉，只有10歲的她很黐媽咪。兩姊妹都讀瑪利諾修院學校，小慧曾表示由於囡囡讀傳統學校，自己有段時間太着緊囡囡的學業，直至君蕎升中學後，才放手給囡囡自己安排，將來女兒能否入大學都沒所謂，最重要找到自己的興趣。
好彩避過打風
小慧昨在電話回覆本報：「我哋仲喺日本呀，玩完北海道去大阪，老公去完加拿大飛去北海道join我哋。我哋好好彩，22號飛，跟住打風，23號傍晚落波，老公24號飛嚟，我哋同老公都避過風球。不過睇到新聞，覺得好無奈，香港未試過浸水浸到咁，澳門慘啲，睇到新聞唔舒服！」原來草蜢之前去了加拿大做騷，阿細完成演出後即飛日本會合家人。
採訪：王梓嫚
