【本報訊】「買餸app」honestbee代購員如同一般人走入超市揀貨。25歲代購員Ken於honestbee工作一年，由兼職做到全職，時薪最高60元。對於是否好做，他笑言「睇你想要啲咩，一定比文職有樂趣」，而且「做完大力咗」。
最好是「嘆住冷氣等」
Ken指，公司會提供1至2日培訓，教代購員如何揀選貨品，尤其鮮貨如水果、蔬菜、肉類，做落才發現牛奶都有好多種。「客人可以remark（註明），水果會唔會太熟，用客人的心態去揀一啲新鮮嘅嘢。」每日完成3至4張定單。
兼職代購員時薪最高60元，一日工作5至10小時；全職則一星期返五日、每日10小時。他透露，全職代購員薪金，大約等於時薪60元再多少少，即每月至少有12,000元，亦提供醫療保險等基本福利。
代購員每日於固定超市等候定單，他表示最正是「嘆住冷氣等」。「最棘手係外國超市，入面有啲貨品可能係你一世人都唔會試到、唔會食到，但係我哋有好多客都會落單，驚攞錯或者攞得比較慢。」
TAG: honestbee,代購員,兼職