能夠入圍選港姐，一定係有幾分姿色，能夠戴上后冠，更加係不得了啦。向海嵐98年當選香港小姐冠軍，仲係當屆嘅最上鏡小姐、動感都會大使、環球美態大獎得主。明明係靚女一名，但世事往往都係咁奇妙，10年有人質疑近屆港姐三甲當中有變性人，向海嵐就不幸被捲入漩渦當中。向海嵐之後喺慧妍雅集晒身材反擊，仲斥責有人無聊過頭，胡亂生謠。當時曾醒明都解釋過，港姐面試要出示身份證明文件，可以肯定到參賽者性別。其實向海嵐喺銅鑼灣聖保祿學校讀書，做過學校風紀，車婉婉同黃德如都係佢師姐，變性謠言不攻自破。