樹仁大學嘅「賽馬會多媒體製作中心」噚日啟用，開幕禮除咗捐款畀樹仁嘅路勁基建執董單偉彪、新聞處處長黃智祖、新聞博覽館主席陳祖澤等等，仲有身為樹仁大學校董會成員嘅胡國興。
近期覆核案惹社會爭議，不時有云法治已死、政治檢控，胡官對此no comment；至於政治訴訟頻生，法庭係咪被「擺上枱」？佢話唔認同，強調法庭按法律同案例處理。而數以萬計市民上街聲援「雙學三子」，胡官就話人數唔算多。
講番個製作中心，前身喺SYMediaLab，支持學生做多媒體製作。𠵱家嘅製作中心則喺馬會2,300幾萬資助下，共花4,000萬成立，當中有可容納200名觀眾嘅多媒體劇場、用嚟做多媒體製作、錄音、剪接嘅後期製作室等。