夏日炎炎，唔少人鍾意買杯凍飲嘆下。噚日合興（047）CEO洪明基（Marvin）與執董黃國英同大家介紹番，喺內地吉野家先有得賣嘅「分享杯」，呢款產品認真係「一杯兩味」!
分享杯7月份喺內地吉野家發售，Marvin揀咗櫻花味同莫吉多（Mojito）味嚟介紹。佢好老實咁話，櫻花味麻麻哋，Mojito好飲得多，但內地後生仔女就好鍾意櫻花味，講笑話，可能90後鍾意偏甜，呢杯飲品出賣到真實年齡㖭喎。
暫時內地吉野家有6款分享杯口味畀客人選擇，每杯大約16至20蚊人仔，華華睇過香港同類型分享杯飲品，賣30蚊港紙一杯，香港地果然飲杯嘢都貴過人。