樂基兒（Gaile）同黎明離婚五年，兩年前情歸從事網上有機食物生意嘅圈外男友Ian，男方一年前求婚成功，兩人於今日凌晨喺加州結婚。一對新人早於一個月前已去到美國旅遊玩轉海陸空預支蜜月，上個禮拜就喺當地慶祝37歲生日，搞咗個BBQ派對。
Danielle陪嫁
身在三藩市、37歲嘅準新娘Gaile前日就喺Ig擺咗一條限時動態分享，原來佢搞咗個歡迎飯局熱身，身穿白色晚裝裙嘅佢明艷照人，同女性好友坐喺車廂，同期出道嘅模特兒好友Danielle更由新加坡飛嚟，陪佢出嫁。Gaile喺片中表現淡定，向鏡頭揮手微笑，待嫁心情超靚，原來呢個婚前飯局係招呼呢班海外好友，佢更寫上「The calm before the storm」，應該形容自己大日子心情為暴風前的平靜。之前，Gaile透露過今次再婚同Ian有共識，只會搞一個約50人嘅簡約小型婚禮，主力邀請雙方嘅至親好友。馮仁昭就搵過Gaile問待嫁心情，估計佢忙於為婚禮作最後準備，未有時間回覆。
撰文：馮仁昭
