九展一連四日舉行的「暗中作樂2017」，前晚邀請闊別香港樂壇七年再重組的at17及前財政司司長曾俊華做嘉賓，同時亦是成員盧凱彤（Ellen）在台灣「金曲獎」宣佈出櫃後，第一次接受香港傳媒訪問，去年Ellen和台灣攝影師余靜萍（小余）在外地拉埋天窗，記者上前恭喜她做了「人夫」，Ellen說：「人妻呀，兩個都係女仔，都係太太。」Ellen表示太太身在澳門拍戲，所以來不到，她指颱風「天鴿」令澳門停水停電：「太太去咗幾個星期，冇打算離開澳門，佢住嘅酒店冇水冇電好混亂，成team人𠵱家處理緊，我唔係好清楚詳細情況，等颱風走咗之後，我會過去搵佢。」
結婚周年去日本
Ellen在現場大方展示左手無名指上的卡地亞婚戒，她說：「好cheap咋，唔使鑽戒，食麵包、飲暖水就夠，結婚好低調。」提到兩人之前的婚禮，她說：「得林嘉欣，因為佢同小余好好朋友。」多年前，林嘉欣曾跟小余傳緋聞，Ellen說：「係，林嘉欣十幾歲已經識佢。」一直有傳Ellen和小余是閃婚，她否認：「唔係，我哋拍咗拖七年，中間分開過，經歷咗躁鬱症復合後，諗清楚佢可以同我過下半世。」Ellen表示兩人今年5月結婚一周年紀念，去了日本度蜜月慶祝。
二汶恨聖誕出嫁
另外，at17宣佈今個聖誕期間，12月23及24日會開演唱會，Ellen說：「今晚首度唱我哋七年後合體嘅新歌。」林二汶之後對Ellen說：「你聖誕節好娶我。」Ellen笑着回應：「你嫁一定要畀我過目，唔理，總之點都要問我啦。」
採訪、攝影：黃曉妍