【本報訊】「我好鍾意攝影，用咗好多心機時間，去過敍利亞、巴基斯坦，呢啲地方𠵱家都變咗廢墟……有嘢發生咗你惟有順住事態發展。」人生來到五字頭的Calvin，2004年視力開始衰退，遂學習音樂再覓出路。漆黑中摸索前路不易，現時他朝九晚五學調音，計劃考取資格成為調音師。
Calvin在外國讀書後回港任職工程師，曾是攝影發燒友，「我本來完全唔識樂器，（視力衰退後）當然就要發展其他興趣，就開始接觸色士風」。從音樂找到另一片天地，去年開始每日朝九晚五學調音，將考取相關資格以正式工作。
指盲人難有實習機會
他強調調音前要經長時間反覆練習，須辨別出極微細的不協調，「練習聽咁多個音耳仔會痛，一日唔會只練一個琴，好考專注力同耐力」。視障人士自有一套調音方法，會按程序進行以免雙手「飛嚟飛去」無法定位。他笑言港人愛待鋼琴「彈唔郁」才調音，「拎幾百蚊調音唔捨得，但又可以拎4、5萬買琴」。他指盲人得到的支援較少，如較難有實習機會，因大型琴行會自行培養人才。
香港盲人輔導會提供課程教授視障人士調音，今年首次邀請同屬失明的國家鋼琴調律高級技師李任煒教授維修鋼琴技巧。全港共有兩位現職盲人調音師，先天失明的阿添從事調音3、4年，每次約用一個小時調音，每個月約有10多宗生意，冀以專業消除疑慮，「有人唔接受（盲人調音師），問係咪平啲。其實都係一門專業，方式唔同但結果一樣，唔滿意隨時搵返我」。李師傅稱視障人士所用的維修工具有些不同，例如千分尺上會加凸點。
若有意聘用視障人士為鋼琴調音，可致電37238215或WhatsApp 6480 8144向盲人輔導會查詢。
■記者黃翠儀