女見習騎師蔣嘉琦因舊患復發，左手中指韌帶受傷，須暫停策騎最少兩個月，要一段較長時間先能復出，在港累積58場頭馬的她，隨時要等到今季中，才可贏夠70場頭馬畢業，成為首位香港女大師傅。
嘉琦BB因傷關係，今季一匹馬也未操過，不過她卻未有偷懶，今朝（26日）文裝亮相返馬房工作幫手打點外，又到烽火台拿起望遠鏡，觀看師傅呂健威的馬操練情況，以作備忘待稍後向師傅匯報，大有副練風範，莫非24歲的嘉琦已想鋪定路，向幕後發展？
相反，日前試閘受傷嘅嘉琦師兄梁家俊，小休數天後，今朝到場先後替姚本輝一對馬「新界之星」、「迫擊炮」喺泥地大跑道拍跳考驗，其後再單跳李易達馬房的「機緣再現」，只見家俊仔精神奕奕，身手靈活，睇嚟傷勢應該冇乜大問題。