【本報訊】多名本港記者被澳門拒絕入境，引發港澳兩地新聞同業不滿。在昨日的澳門跨部門記者會上，記者追問警察總局局長馬耀權（圖），為何限制記者採訪。馬耀權起初以保密為由拒絕回應，後來更表示「唔清楚」被拒入境者是記者。
記者追問是否得罪崔世安
在昨日下午的澳門民防行動中心颱風救援及善後工作新聞發佈會上，傳媒一再追問當局為何拒絕本港記者入境，馬耀權起初回應說：「所有影響澳門治安嘅人士，都會拒絕入境，同職業無關。」被問及被拒入境人士如何影響澳門治安，他表示基於安全及保密理由，「唔會回覆」。
後來再有記者追問：「係咪唔歡迎記者來澳門採訪災情呢？呢個係關乎到新聞自由，如果冇新聞自由嘅澳門，會係點樣呢？係咪佢哋得罪咗特首（崔世安）？或者喺報道上嘅字眼令你哋睇到唔舒服？所以唔畀呢個媒體嘅記者入境去做採訪呢？」
馬耀權回應稱，澳門政府一向尊重新聞自由，「如果話對新聞自由有所限制，我哋直頭避開你哋喇」。
馬又說不清楚被拒入境者的職業，「我都係聽到你講有記者唔畀入，我從來唔知道有邊個唔畀入。佢哋嘅職業，我哋唔清楚，到𠵱家我哋都唔知道，你話嗰個係記者，係咪記者我亦唔清楚」。
《蘋果》記者