由宋慧喬、宋承憲及元斌主演嘅經典韓劇《藍色生死戀》，於2000年播出，當年劇集於韓國及海外均掀起熱潮，帶挈劇中一眾主演人氣上升。不過據知當年劇集嘅女主角人選唔係喬妹，而係韓流始祖裴勇俊前女友李思江。
李思江日前演出節目《Video Star》時表示：「當年我參加《學校》嘅選角，而且合格，但係我拒絕演出邀約，揀咗出國研修。當時非常鍾意我嘅尹錫湖導演，為咗要我演出《藍色生死戀》嘅女主角，更親自打電話畀我。」
據知，為咗能夠令李思江演出劇集，尹錫湖導演甚至表示可以將《藍色生死戀》女主角嘅名叫「思江」，雖然導演一直說服李思江，不過佢為咗自己嘅導演夢，都係拒絕咗演出邀約，最終角色由喬妹飾演。李思江就於節目中表示：「我將呢個決定當成係為韓國做出正確嘅選擇。」