【本報訊】沒有媽媽想子女入獄，26歲何潔泓上周因反東北案被重判入獄13個月，何媽媽在法庭上淚流不止，傷心又憤怒。她曾希望女兒守住底線不要被捕，但這些年眼見政府漠視民意，強拆菜園村、強過東北撥款，平凡師奶亦理解女兒走到這一步，「點解我哋激進咗，因為政府暴力咗！」她深信，女兒經過牢獄磨練，只會更堅強。
記者：潘柏林
何媽媽在家中接受《蘋果》訪問時，女兒入獄未夠一周，家中只有一隻狗陪伴。她數個月前聽女兒說，要有心理準備坐監。上周二判決前，她倆盡量表現輕鬆，更一同在法院外合照。但法官宣判時，母女一同崩潰，「佢（何潔泓）忍唔住眼淚係咁流，我在場都有喊，因為覺得真係判得太長，以為自己做好心理準備，但其實未囉」。
來不及告別，女兒已被押上囚車。那晚在電視看見女兒在囚車落寞的樣子，翌日監獄休息日又不能探望，何媽媽很擔心，開始想像獄中情景，「完全冇佢嘅消息，我驚（監獄內）有魯芬（電影《女子監獄》飾演獄霸）、馬蹄露（電視劇《蘭花刼》中飾演惡囚犯）嗰啲人。」
入獄第三天，她終可探望女兒。何潔泓當時患傷風，意志低沉，初入獄沒有書沒有報紙，連天光天黑亦不知道，但捱到上周六已精神抖擻，與探監的孖生妹妹何潔明有說有笑。媽媽相信女兒會重拾鬥志，「點會有人知道自己要坐監嗰刻唔會喊？佢喊唔代表佢接唔接受到，而係嗰一刻有情緒反應，一個正常人嘅情緒反應」。
「袁國強你太過份」
何潔泓從反高鐵開始，投身社運七年，何媽媽知道勸不住女兒，最初只想她守住一條底線，「你要識保護自己，嗰時底線係唔好俾人拉」。但社會氣氛急速轉差，她斥梁振英政府不理民意強推東北發展，示威者用盡和平手段都無用，「官員把口話會聽（民意），但我哋做咗好多嘢，去遊行、去靜坐、去聽證會啊，最後係吳亮星好粗暴咁通過撥款。」
2014年中，反東北加上預演佔中，何潔泓在半個月內兩度被捕，何媽媽亦躺在遮打道參與預演佔中，「不被捕」的底線失守，她氣憤說：「其實點解我哋激進咗，就係因為呢個政府暴力咗。」
她沒有抱怨入獄的偏偏是女兒，「我會覺得社會上總有人要發聲，總有呢種人」。她只是不滿判刑過重，周日上街質問政府為何打壓有抱負、有熱誠的年輕人，「話畀政府聽你過份咗喇，13個月太過份，袁國強，你太過份！」那日遊行人士出乎意料地多，很多人安慰何媽媽，她悄悄走近拍一拍記者膊頭，指着高叫口號的遊行人士，「呢啲係振奮嘅聲音。」
何媽媽形容入獄對女兒或許是磨練，「人生有好多磨練令嗰個人更加成熟，佢𠵱家先20幾歲，將來路仲好長，有咗呢啲經驗或者磨練，對將來行嘅路更有幫助」。她慨嘆已有很多年輕人押上前途，作為媽媽、年長一輩和香港人，她會與女兒同行，「後生都可以將佢哋前途押上去，我哋都幾十歲，我哋唔會擔心我哋前途」。
何潔泓估計最快明年5月4日出獄，何媽媽想念女兒，特別是女兒挖苦她的片段，「佢會挖苦吓我，你唔識唔好出聲啦，婦孺。大家會質吓笑吓」。回憶勾起，盡是溫柔的微笑。