【本報訊】入獄是何潔泓的社運轉捩點，而起點是2010年。何媽媽說，那年女兒年僅19歲，在葵芳港鐵站遇到菜園村苦行隊伍，覺得政府不公義強徵農地。何潔泓起初擔心媽媽不支持，凌晨5時多出門護村，卻謊稱去同學家做功課。何媽媽暗中擔心，於是跑去跟女兒一起護村、派傳單。
平凡師奶與女兒同行
社運路上，何媽媽選擇與女兒同行，「你要知道佢哋做緊咩嘢，最好你就同佢哋同行，如果你淨係靠把口話你唔好去啊，我相信好多呢一輩係唔會聽，惟有你同佢同行，你可以了解佢更多」。
從守護菜園村、李旺陽被自殺以至新界東北發展，母女都一起討論、一起參與。何潔泓先後擔任嶺大學生會外務副會長、學聯副秘書長，日子越來越忙碌。何媽媽好多次起床上班時，在WhatsApp見到女兒最後上線時間是凌晨4點，心痛又不想「日哦夜哦」，「唔係好想霸佔佢嘅時間，我情願佢用啲時間休息，好過應付我婆婆媽媽嗰啲『你食飯未啊』」。
何潔泓在示威越走越前，何媽媽有時看電視新聞見到女兒被胡椒噴霧擊中，「佢食好多㗎，有張相佢係包到自己好冚，跟住食（胡椒噴霧），所以係做好晒準備功夫」。記者問保護好就可以嗎？何媽媽相信衝突是有限度，「我哋做父母嘅，（子女）食椒係唔需要太擔心嘅，佢哋會識得保護自己」。記者聽得目瞪口呆，與何媽媽對望一眼，彼此都忍不住笑出來。
■記者潘柏林